فارقت من لا كـان ودي أفارقـه
عقب الصلاة وتوها الشمس شارقه
الفجر يوم الناس تسعـى لرزقهـا
أنا عيوني بازرق الدمـع غارقـه
يبكي وانا أبكي يوم وقفت أودعـه
والكل منّا يذرف دمـوعٍ حارقـه
سلمت ويدينـي باياديـه ترتجـف
وايديه بيديني من الخوف عارقـه
واقفا وانا أقفيت والصمت حيلتـي
عز الكلام ودمعة اليـاس فارقـه
حسيت كن القاع حدري تزلزلـت
يوم إلتفت لي واستهلت غوارقـه
سرقت من دنيـاه لـذات دنيتـي
برضاي سارقني وبرضاه سارقـه
همي وهوجاسي وحبي وغيرتـي
للي بوسط القلب ناصـبٍ بيارقـه
رجعت للمطلاع حزيـنٍ ملتجـي
والقلب مني طارق الهـم طارقـه
ضلعٍ ورا المطلاع شوفه يريحني
عسى المطر يسقيه لا لاح بارقـه
كتبت في عاليه حرفـي وحرفهـا
ورسمت قلب الحب والسهم خارقه
ذكرى غرامٍ مات من قبـل ينولـد
بفراق من لا كـان ودي أفارقـه
رنا من شفاعمر
نوفمبر 5th 2008, 1:24 pm